奇招應付寫真戰趙碩之封胸賣關子
向來毫不吝嗇驕人身材的趙碩之，前晚與師妹Melody出席電影《變種特攻：異能第一戰》首映禮時罕有「封胸」，密實打扮令人失望！她說：「呢個係攻勢，依家盡量遮一遮，愈近出書就露多啲！（仲有咩攻勢？）聽公司話要賣吓關子，費事同人撞咗，都唔知賴人定畀人賴。（依家興口戰，驚唔驚畀人圍攻？）大家做番自己嘢，一人一句咪當做宣傳囉！」
出席首映的還有汪詩詩與汪圓圓兩姊妹，以及齊齊騷長腿的羽翹及石詠莉，石詠莉寸爆表示不一定要露事業線才靚：「大家都知我有身材啦！依家咪咪珍貴咗，要睇吓出咩活動。（咁咪咪好現實喎？）不嬲呢個世界都好現實！」對於面形與鼻子被指較以前標致，她揚言全靠中醫加針灸：「全部都係靠自己，唔係整，我個鼻郁得o架！」隨即示範捽鼻。至於羽翹則透露將於9月出美容書，避開寫真戰，更會親身示範新美容科技，但因風險大而冇膽整容。
傳被趙碩之（右）「唱」的戴夢夢，前晚似乎甚有「火」。
自誇咪咪珍貴的石詠莉（右），與羽翹鬥密實。
汪圓圓（左）與汪詩詩結伴睇首映。