法拉可頤論婚前協議
陳法拉、張可頤及楊思琦表示有留意霆鋒及栢芝的新聞，法拉雖然擔心二人，但認為他們懂得處理︰「呢啲係佢哋家事，唔好畀太大壓力。簽婚前協議睇個人性格，自己唔太計較，唔會分得咁清楚。」張可頤認為兩個人相處要信任和坦誠，從不贊成有婚前協議︰「我唔接受協議書呢啲嘢。（有嘢喺手有安全感？）安全感喺心入面，身邊朋友婚後好獨立好有光彩，就算離婚都可以重生，唔係世界末日。」
有指將結婚的楊思琦則否認傳聞，問是否父母催婚？她說︰「唔係，係啲記者心急，成日問幾時結婚或者分手，係嘅話我會講，不過呢幾年努力工作先。（有指你收樓結婚？）冇啲咁嘅事。」
