廖碧兒儲紅酒當投資
前晚廖碧兒以嘉賓身份出席髮型匯演，剛剛換上一頭新髮型的她說：「啲頭髮剪短咗四、五吋，易啲打理。」她透露早前到了法國，稍後將會到俄羅斯拍電視節目及出席全球大型活動，將逗留七至十日。提到當地治安欠佳，她說：「成班人去，係幾大型嘅活動，應該OK，我想睇吓當地嘅歷史建築同埋紅酒，我對紅酒好有興趣，好鍾意飲。」
原來廖碧兒於三年前開始儲名貴紅酒當投資，更有釀紅酒：「我喺法國同美國請啲酒莊幫我釀紅酒，個名係我設計，啲酒啱啱運到嚟香港。我唔會賣，我造呢啲酒唔係為咗賺錢，而係想同好朋友分享，或者用嚟做慈善，係無價寶。」
