陳嘉桓擔心被峯迷打
林峯的堂妹林夏薇與緋聞女友陳嘉桓，昨日為恒生新抱何倍倩的護膚品牌ZENSATION新店揭幕，林夏薇代堂兄否認與陳嘉桓的緋聞，但問到會否買潘霜霜的寫真集，她說：「唔想多講佢。」她否認潘霜霜是家族忌諱，但又立刻轉話題：「陳嘉桓好靚，笑得又甜。（佢同潘霜霜邊個靚啲？）各有不同。」
至於陳嘉桓則揚言不會買潘霜霜的寫真集：「佢有嘅我都有！（參考佢嘅甫士？）佢啲甫士唔啱我擺！」談及林峯將開演唱會，她未知會否捧場：「佢啲Fans咁勁，費事畀Fans打！（曾被佢嘅Fans指罵？）冇，但喺網上見過一啲難聽嘅說話。」而她昨日接受查小欣訪問時，以「驚奇」形容與林峯的緋聞，並自爆曾拍拖3次。
林夏薇（右）與陳嘉桓（左）舉杯慶祝何倍倩新店開幕。
陳嘉桓不介意另一半是否圈中人，但抗拒姊弟戀。