雷凱欣索百萬被飛
雷凱欣拍攝電影《3D肉蒲團之極樂寶鑑》後升呢「宅男女神」，不過宣傳期結束後，她聲稱受不住壓力，除開始「封胸」外，在康城時更向本報記者透露有意息影：「太攰喇！係時候休息吓，去讀書同學手工藝。（唔擔心之前嘅努力白費晒？）唔擔心，順其自然，日後有啱劇本先再諗。」返港後，雷凱欣順理成章玩失蹤，即使電影公司將於日內拉隊到泰國宣傳，她竟以短訊回覆表示要收7位數字「宣傳費」才肯動身，嚇窒蕭定一！電影公司已決定飛她出局，派葉山豪、何華超及藍燕「出征」泰國。
記者昨日致電雷凱欣好友兼拍檔葉山豪，他說：「我都搵佢唔到。（佢退出娛樂圈？）我都唔會再拍三級艷情片，再拍就大鑊，想試多啲新嘢，依家傾緊啲內地電影。（傳你都有問過攞宣傳費？）我唔會咁做，當初合約都冇咁寫，其他人要分咪分囉！唔關我事！」
雷凱欣有意退出娛樂圈，讀書自我增值。
雷凱欣索取百萬元「宣傳費」，才肯隨隊赴泰造勢。