聞栢芝傳財困四哥直斥Short Short哋
因兒媳傳婚變，連日來成為訪問對象的四哥謝賢，昨日接受本報記者電話訪問，問到心情平復了沒有，他說：「由始至終都冇嬲。（打畀查小欣鬧佢？）佢係要鬧，但唔使打畀佢，遲早都見到佢啦！（有傳栢芝炒樓，須向財務公司借五千萬？）都Short Short哋嘅！如真有咁嘅事，咁係邊間財務公司吖？依家又冇樓災點會有咁嘅事！周刊嘅嘢你都好信？你哋問人都要搵啱對象，我真係唔知，知都唔話畀你知啦！（擔心栢芝？）唔擔心，我冇咩可以再講，你咁問我係嘥我時間同金錢，電話費唔平o架！」
另一方面，栢芝弟弟張豪龍對於家姐的事不欲多談，前晚他出席拳賽活動時，被問到有否與家姐聯絡，他只說：「唔講喇！（聯絡謝霆鋒？）屋企嘢唔講。（有冇見過佢哋啲小朋友？）我唔講喇！」但問到打拳話題，即樂意詳談，他表示曾考慮參與拳賽，但因夏天要專注滑水活動，故即使落場參賽亦只能待夏天完結。
四哥表示心情冇受影響，亦不擔心新抱張栢芝。（資料圖片）
張豪龍只談拳賽，拒談栢芝家事。