朱永棠為栢芝唔見幾百萬

當年張栢芝入行前曾與前風火海成員朱永棠拍拖，並在其兄長朱永龍的提攜下殺入娛樂圈。提到有指栢芝當時經常攤大手板攞錢，將兩人視為「人肉提款機」，對此朱永棠說：「花好多錢喺佢身上係事實，我同阿哥用咗幾百萬力捧佢！依家賺極都追唔番蝕咗嘅錢。」他又直認曾借錢給栢芝的父親，但言談間仍維護她：「當年佢屋企係冇錢喎！佢爸爸試過半夜要錢，我哋都有按畀佢，但可能栢芝都唔知呢！」

雖然分手後的栢芝曾有多段戀情，兼且大紅大紫，但朱永棠依然對這段關係十分深刻，並未有因愛變恨，他說：「冇嬲佢！話晒都咁耐，好多嘢我唔會主動講，但亦都唔會講大話。」提到鋒芝傳婚變，他表示亦有留意相關報道，並大方送祝福：「希望佢兩個和好如初，小朋友冇父母係最慘嘅！」

記者昨晚亦聯絡朱永龍，聞言後他不欲多談：「我做經理人嘅守則係無論個藝人係好定壞，都唔會講對方嘅不是，況且我哋都分開咗咁耐，官司又打過，所有嘢都過咗去，無謂再提。（借過錢畀佢爸爸？）唔好難為我，真係唔想講，我只希望佢嘅風波快啲平息。」