鋒芝的離婚傳聞愈傳愈盛，但一直未見兩人正式入紙申請。據黃國桐律師透露，相關人士申辦離婚的先後次序，對財產分配完全沒有影響：「唔係邊個入紙先就會蝕底啲，只係雙方身份上唔同，一位係申請人，另一位係答辯人，地位平等，法官仍會按正常程序分配財產。」不過，法庭不會理會用短訊提出離婚，只會按入紙程序才正式辦理，他說：「離婚理由其實得一個，就係大家合唔嚟，個官唔會理你哋咩短訊，總之以入紙後計算。」