律師:法庭根據社署指引

近日鋒芝傳婚變,有傳二人在婚前已簽訂協議書,若雙方離婚的話,栢芝將擁有子女撫養權。不過,有傳霆鋒欲取回細仔Quintus撫養權!黃國桐律師認為協議書沒有法律約束力,因法官會視乎小朋友最大利益為依歸,協議書在法庭上只能當作一項意向證明:「由於婚姻嘅意義係一生一世,基本上法庭唔會接納呢類證據!小朋友最終跟邊個唔係由父母話事,法官會根據社會福利署嘅指引,最後可能覺得父母都唔適合,畀祖父母都得!」

至於在財產分配上,則較有「彈性」,黃律師說:「唔一定係男畀女,女畀男都得!法官只會睇邊個較有需要,以唔改變現在生活為標準,唔一定係要一人分一半,法官會睇埋兩個人嘅賺錢能力!雖然有案例女方可以攞到男方一半財產,但兩個人結咗婚30幾年,法官會考慮埋女方為男方付出有幾大。至於婚前簽訂嘅財產分配書,法官亦會作意向參考!」