讚紫荊俠夠英周秀娜恨隱身派錢

近日派錢濟貧的紫荊俠成為全城熱話,同樣愛抱打不平的周秀娜激讚對方,有機會的話也想跟對方「Jam」一下!

早前一名戴上紫色眼罩配黑色性感緊身衣打扮、以「紫荊俠」自居的女子,親身到九龍區籠屋居民派「紅衫魚」及糧食,並在Facebook宣布「紫荊俠誕生了,香港窮人有救」等網頁,希望以濟貧行動喚起社會對基層的關注,更揚言會說服有錢朋友捐出六千元行善。由於紫荊俠曾透露出身名門及活躍社交界,問到是否前國家領導人萬里的孫女萬寶寶,紫荊俠卻不承認亦不否認,只表示其背景與對方相似。

莊思敏望外界停起底

報道一出,不少圈中人對其身份感興趣,日前才於北京出席兒童公益活動的周秀娜亦有留意紫荊俠的消息:「真係拍爛手掌!香港有太多烏煙瘴氣嘅事發生,亂世時有個咁正義嘅人出來,真係值得表揚,如果有機會,都想同佢『Jam』吓!佢係慈善英雌,行為可以牽動社會去關心基層市民。」問到會否倣效紫荊俠的行徑,娜姐表示可考慮:「都要諗清楚。(同樣性感?)造型方面要同設計師諗吓。(傳佢係萬寶寶?)我認唔到,他日如果係我就唔好篤爆我!」

同是家境富裕兼擁有驕人身材的莊思敏亦非常支持紫荊俠:「佢咁正義當然力撐啦!我覺得做好事,係邊個都冇所謂,尋根究柢可能會對佢造成壓力。如果搵我同佢一齊性感上陣幫助窮人,我會拍心口上。」

不過對於紫荊俠的造型,形象指導張學潤大彈唔知想點:「Halloween扮流鶯?唔知想點!呢類面具唔係好特別,喺石板街都買得到,覺得佢嘅造型似女黑俠流鶯花。」

名人組

周秀娜考慮學紫荊俠派錢濟貧,未知會否參考對方的性感造型?