杏兒嘉穎谷劇辣興街坊爆怒火

鄭嘉穎、胡杏兒、滕麗名及黃嘉樂等,昨日乘開篷巴士到深水埗宣傳新劇《怒火街頭》,有街坊大罵「一樓一」劇情,即場上演「怒火街頭」。杏兒臨危不亂大讚深水埗:「個劇呢區取景,返嚟宣傳好開心,嘉穎第一集就露股。(無綫為Call廣告,下月將小生花旦緋聞擺上枱吸金?)下個月七號係有個騷,但我緋聞咁少,等多啲先,但我唔介意同徐子珊、黃宗澤同台。」嘉穎則說:「吸唔吸金,見仁見智。(介意同佘詩曼、周麗淇同場?)搵錢冇所謂,平時都有Say Hi。(為露股練股肌?)唔識!場戲喺室外拍,露得唔多。」

而滕麗名被問及新戀情時說:「我哋係朋友,順其自然發展,生活愉快,淨係為死咗隻狗唔開心!」黃嘉樂則回應緋聞女友唐詩詠與舊愛崔建邦翻撻:「真o架?我係詩詠哎吔阿哥,由頭到尾都唔係男友。(係呂晶晶男友?)我同佢係Friend,我怕形象變到好花心。」

杏兒與嘉穎均表示為了吸金,不介意擺緋聞上枱。

眾演員移師鬧市派宣傳單張,吸引大批粉絲圍觀。