為媳婦「分居」護航 四哥撐栢芝女英雄

謝霆鋒與張栢芝「分居」熱爆全城,兩位當事人繼續封嘴,但原來栢芝深得老爺歡心,開腔力撐媳婦:「有哪個女演員一結婚就生兒子的?我還以為等去了天上才知道自己有孫子,所以我很疼她,他們一談戀愛我就很喜歡,是一種緣分吧!栢芝是敢作敢為的女英雄,是我們謝家的光榮!」

對於兒子與媳婦「冷戰」,謝賢表現激動,但承認「鋒芝」情緒受到新聞影響。事後記者再致電他,謝賢依然嬲爆:「大家自己分析吓!(唔好咁勞氣!)怕咩呀?我冇形象嘅,講真邊個話兩公婆唔會鬧交呀?你父母都會啦!結咗婚都會嘈o架!(楊受成去馬來西亞幫手『降火』喎!)佢係老闆,探班好應該,聽聞喎?都黐線嘅,你哋咁問問題唔啱,叫我可以講乜先?」

至於霆鋒則寄情工作繼續吸金,宣布將夥拍同門的鍾舒漫,以千萬元酬金為內地護膚品牌擔任代言人。發布會上,霆鋒抽出三位幸運兒,代表廣告商每人送上一部平治新車,皆大歡喜!

另外,鍾舒漫與泳兒昨日出席活動,力撐師兄霆鋒,鍾舒漫說:「我唔信栢芝搬開係婚姻亮紅燈,霆鋒向來都係有風度嘅人。(打電話關心吓?)唔會!應該畀啲空間佢哋。」泳兒則說:「霆鋒不嬲撐栢芝,愛栢芝。(傳冷戰?)霆鋒不嬲Man啫!」

謝賢力撐新抱栢芝是敢作敢為的女英雄。

霆鋒收千萬元酬勞代言護膚品,豬籠入水。

霆鋒孖鍾舒漫落力吸金。

鍾舒漫(左)和泳兒表示不相信霆鋒婚姻亮紅燈。