Isabella秘密回港:返嚟食飯!

梁洛施(Isabella)先後為李澤楷(Richard)誕下三名兒子,但最終二人仍分手收場,今年二月兩人正式宣布分手,並先後為此發聲明。長居外地的Isabella,早前被拍得在美國鳳凰城弄兒為樂,其契爺黃秋生亦曾聲稱Isabella會偕三名兒子返港探親。

Isabella昨晚現身香港,她偕同母親、師傅詹瑞文及模特兒蔣怡等在西貢大街一間印度餐廳晚膳。現場所見,他們點了多款印度特色美食,包括咖喱、薄餅、白酒及印度炒飯等,眾人舉杯祝酒,氣氛熱烈,詹Sir更與Isabella並排而坐兼密斟。身穿白色背心、以淡妝示人的Isabella精神不錯,身形甚弗,雖然發現記者在場,但她仍面露笑容受訪,問到是次返港目的,她說:「今次返嚟食飯!(帶小朋友返嚟?留幾耐?)食飯啦!食飯啦!」期間詹Sir及同枱其他好友亦先後解圍:「畀啲時間我哋食飯啦!」問到感情生活,Isabella亦不停說:「食飯啦!食飯啦!」約十時許,Isabella等人離開餐廳,並分開三部車駛進西貢一幢獨立屋。

此外,黃秋生接受電話訪問時說:「Isabella有約過我食飯,但我唔喺香港,所以約唔成!(佢係咪帶三個囝囝返港見家人?)我哋嘅話題冇傾呢啲嘢!」

梁洛施低調返港,即相約好友擦餐勁。

詹瑞文與梁洛施敍舊,未知是否為復出幕前攞意見呢?

梁洛施與母親、詹瑞文及蔣怡言談甚歡。

眾人舉杯同慶,氣氛熱烈。