陳偉霆昨日擔任泳裝騷擔嘉賓，穿上背心騷肌肉，他表示因要操Fit拍電影《拳王》，問到可會再練大隻一點？他說：「依家夠大隻喇！係極限！（女友蔡卓妍阿Sa鍾唔鍾意你咁大隻？）我相信佢鍾意！正常大眾都鍾意偶像健康啲。（阿Sa當你偶像？）唔係！」提到與靚女行騷，他並不緊張，但在後台不敢周圍望：「大會有用幕嚟遮住我。（驚畀人睇蝕？）唔係！少接觸咁多性感女士，都尷尬！（邊個身材最好？）唔敢望！上台前我都係耷低頭。」問到會否送泳衣給阿Sa，他表示沒有所謂，會送一件頭平腳包到冚的款式。
陳偉霆以小背心上陣騷肌肉！
