祖藍醜男扮靚女最高境界

反串高手王祖藍昨日擔任扮嘢節目招募活動評判，活動中不少男士反串，祖藍則自嘲醜男扮女人才有說服力。

無綫新節目《變身男女Chok Chok Chok》昨日進行招募，王祖藍、莊思敏、陳自瑤及陳蕊蕊擔任評判，而參賽者的打扮及言行技「驚」四座，有「大隻版瑪麗蓮夢露」及「醜版黃夏蕙」，後者更獻唱《Monica》及扮祈福黨，觀眾看到目瞪口呆。其中一名參賽者玩Hea，畫兩撇鬚出場，結果慘被評判極速叮走。

祖藍以過來人身份分享其反串心得，並揚言「醜男變靚女才有說服力」︰「扮靚女要有咁靚得咁靚，要靚過自己女朋友，如果咁就真係好靚。」對於王友良早前扮日本妹，他表示從未扮過，故考慮接受新挑戰。問到有傳羅慧娟患重病？他說︰「大家係同一個牧師但唔同教會，佢之前有嚟教會分享，搵佢嚟教會分享就知佢冇事。」

莊思敏剷青受阻

作中性打扮的莊思敏表示，年幼時非常男仔頭︰「短頭髮加上高大平胸，把聲又沉，試過畀人認錯。自己性格把口唔收，做女仔着數啲，又會得人鍾意。不過我想剪短頭髮剷青，但經理人話唔好。」問到會否着男友吳浩康扮女人？她笑說︰「佢扮女人唔夠索喎！只可以扮肥妹。」