陳豪慘封「賤男」：大吉利是
楊怡與陳豪主演的劇集《點解阿Sir係阿Sir》前晚播出大結局，但二人工作至上，結伴出席Audi汽車派對。對於因在劇中欺騙鍾嘉欣感情而被封「賤男」，陳豪說：「我從來未畀人咁樣叫過，我拍戲都未試過蝦女仔，呢次將我嘅好形象反晒底，真係大吉利是！（唔嬲？）佢哋睇得投入都情有可原，我出街都冇畀人叫『賤男』，睇埋大結局啦！唔只唔會向我掟雞蛋，話唔定會送花畀我添！」
對於網友力撐鍾嘉欣憑《點》劇封視后，楊怡說：「我都撐佢攞視后呀！（唔怕佢搶過你？）唔怕，我都戥佢個角色慘，嘉欣攞視后記得上台多謝我哋，我哋要掹番形象，我哋係受害者！」
默契十足的陳豪與楊怡，孖公仔出席派對搵真銀。