娜姐怕風高浪急易沉船

周秀娜與男友陳偉成（Avis）拍拖5年，據知Avis終鼓起勇氣在船P向女友求婚，可惜「Avis有心，娜姐冇夢」，周秀娜只請男友食波餅，迴避結婚問題。

與髮型師男友Avis拍拖多年，周秀娜縱使事業如日方中，但依然深愛對方。二人經歷過不少風風雨雨，Avis還在剛過去的周日（22日）為女友搞船P慶生，卻遇上紅雨，Avis在這特別的日子，向女友說出愛的宣言。

據知情人士爆料，Avis在船P前幾天為買戒指的問題而頭痛，出海前一晚，他更徹夜失眠。當日，Avis細心準備粉紅色蛋糕，連帶Chanel手袋送給娜姐，見女友收到禮物後極度興奮，隨即講出愛的宣言，並向女友「試水溫」：「你收咗個手袋形蛋糕同Chanel袋，希望每年我都可以送個禮物型蛋糕畀你！但如果我送個戒指蛋糕畀你會點呢？」似乎暗示向她求婚。

「情敵」Jeana未放棄

Avis說話一出，令周秀娜呆了半秒，沒有正面回覆，隨即來一招巨胸撥千斤，扮樹熊跳上Avis身上攬到實一實，把男友求婚一事完全耍走，Avis也不敢再作其他舉動，以笑打圓場。本報記者就求婚一事致電周秀娜，她說：「紅雨出海，風高浪急，試水溫係好，但好易沉船，隻船都係慢慢行好啲！再者如果佢送實物戒指蛋糕，咁咪好似紙杯蛋糕囉！唔夠飽喎！」

至於周秀娜師妹何佩瑜（Jeana）早前在Facebook暗示，想出席Avis生日會，擺明對Avis有意。對於Avis在船P中向周秀娜暗示求婚，她說：「既然係咁，惟有祝佢（Avis）成功，有情人終成眷屬，不過波係圓嘅，唔到最後一刻都唔知會係點！」

文：專案組