莊思敏無悔玩斷背
模特兒莊思敏早前為電影《潮性辦公室》獻出銀幕初吻，但有幸得到者竟是呂慧儀！戲中飾演性玩具公司職員的莊思敏說：「我哋識咗好耐但係唔熟，拍之前公司安排我哋一齊上堂，所以都冇尷尬。（咀佢有咩感覺？）佢絕對係索女一名，個嘴唇幾柔軟o架！」她還自爆中學時曾與同性拍拖：「拍咗幾年，但後尾諗到冇將來，所以最終分手，我唔抗拒同性戀亦無悔。」
向來錫身的莊思敏因劇情需要三點式上陣：「底線係三點不露！最緊要睇劇情，床上戲都可以，唔通打牌都着比堅尼咩？」對於模入侵電影圈，她認為只是噱頭：「搵得佢哋拍都唔慌着得多布啦！身材係賣點，角色唔緊要，大片大製作都唔會搵佢哋啦！」
莊思敏自爆讀中學時與同性拍拖幾年。