Ella收埋底衫褲免引狼偷拍

官恩娜的寓所早前被大樹「壓頂」，失去大樹遮擋令家中私隱盡失，她擔心閨房一舉一動被偷拍，更害怕內衣褲暴露人前而惹人遐想！

官恩娜（Ella）前晚出席頒獎禮時自爆家旁的大樹被鋸掉後，從外面已可輕易看穿屋內環境，令她感到十分不自然：「依家冇遮冇掩，仲可以望到入去我衣帽間，所以會用Fans送畀我嘅板遮住。」由於擔心被偷拍，她笑言現時在家也會打扮靚靚：「以免畀人影低洋相！唉，其實喺屋企着背心短褲係好正常！」

自爆着「實用型」

昨日，Ella、Benji & Lesley及樂壇新人KT出席校園活動。問到現時寓所最近狀況，Ella讚其村屋的鄰居十分守望相助：「我試過屋企個燈膽同冷氣機壞咗，隔籬屋個哥哥好熱心幫我，之前屋企冧樹，村長又幫我哋處理，真係好好！」她表示家人與鄰居熟稔，故不覺得自己是藝人而顯得不方便。問到是否不會將內衣褲掛於屋外？Ella說：「一向都好小心，始終係敏感啲，令人有遐想都唔係咁好！（你啲內衣好性感？）唔係，係實用型！」

另外，同場的KT透露第二次出席校園活動，勾起他在港的校園生活，他說：「我喺香港讀到F.3就去咗外國讀書，以前細個係『問題細路』，好鍾意向老師發問！」他指家人管教嚴厲，故在校內屬於乖學生。