韓國另一隊人氣組合2AM昨日在港錄影亞視台慶節目，吸引逾百名粉絲支持，有少女更身穿校服到場！2AM以西裝型Look獻唱慢歌，全程企定定冇郁過，依然吸引粉絲喪嗌！隊長趙權見到身後的大屏幕，即扮十字架轉圈，場面有趣！問到前日抵港時可有被狂迷嚇親？昶旻說：「第一次成隊一齊嚟，感覺特別！香港粉絲非常熱情，比馬來西亞同印尼嘅仲厲害！（收到咩禮物？）朱古力同靈芝。」問到Rain昨晚來港，會否怕被搶風頭？經理人即急急擋駕。四子離開時，粉絲組成「的士車隊」追車！
2AM親民打招呼，想冧暈粉絲咩？
