近年韓星自殺成風，有一半韓國血統的港星宋芝齡大表嘆息，並稱韓國社會較保守，階級觀念重，在當地做藝人壓力甚大，不似香港的文化自由：「就算周潤發都可以踢拖行街巿搭港鐵，韓星就接受唔到！當佢哋覺得層次去唔到另一個高位，就會好在意，好大機會有抑鬱症！部分港星即使有唔好嘅新聞，過一輪都冇事，我覺得香港藝人幸福啲！」至於同樣有韓國血統的名模Ana R.則說：「佢哋去到咁高嘅位置，係會好寂寞，媽咪曾經都擔心我，驚冇人同我傾偈！好彩我有家人支持！」