李駿宇出碟圓主唱夢

樂壇新人李駿宇（Edward）由幕後轉戰幕前，成為創作歌手。他表示從事音樂工作多年，樂迷對其聲音應不陌生：「我諗大家一定聽過我把聲，因為我幫過李克勤、陳奕迅同Mr.等合唱，林峯首《原罪》入面我有Rap添！今次唱主音，同以前唱Demo個感覺好唔同，希望大家會鍾意屬於李駿宇嘅聲音同音樂！」Edward表示新碟中有十二首歌，其中九首是自己的作品，而今次出碟獲得不少圈中好友支持，他說：「吳浩康、張敬軒都會問我隻碟搞成點，畀好多意見我！軒仔教我用多啲英文歌詞，歌詞會容易啲上口，希望下個月出碟可以送番隻畀佢！」

李駿宇曾幫多位歌手唱Demo，現在終於能推出自己的唱片。