米原康正 起雙飛周圍貢

日本攝影師米原康正向來識飲識食，早前更帶同日籍潮模秋元梢和彌香到西貢狂擦海鮮，又遊遍碼頭沿岸的每個角落，實行反轉西貢。

有「Snap Shot之王」之稱的米原康正早前來港出席慈善活動，經過連日的辛勞，他帶同兩位日籍潮模秋元梢和彌香品嘗西貢美食慶功，在日本通日華的帶領下，眾人到碼頭參觀西貢。

西貢碼頭出名多乾貨賣，秋元梢和彌香看到漁船向岸上的途人兜售乾貨，顯得十分雀躍，還請教日華說廣東話問漁販：「可唔可以平啲呀？」可惜沒有斬獲。未到開飯時間，眾人先歎蛋撻醫肚，彌香說：「西貢碼頭真係好多嘢睇，漁村風味極濃！行完碼頭好肚餓，所以將蛋撻一啖吞落肚，我都係第一次食咋！」

鍾情傳統海鮮

到了晚飯時間，眾人到食肆大擦海鮮，雖然店東為迎合日本人口味，特意奉上整隻活魚刺身船，但米原、秋元梢和彌香對龍蝦、瀨尿蝦及炒蟹等傳統海鮮菜式情有獨鍾，食到耳仔郁的秋元梢說：「我太鍾意食龍蝦喇，每次嚟香港都一定要試！」