Alice B.蝶戀花茶

胸前有蝴蝶紋身的英泰混血兒Alice B.，笑言蝴蝶紋身被花茶吸引，最近愛上飲花茶，更有意與友人在沙灘搞花茶派對，穿上比堅尼飲花茶享受陽光與海灘。

最近「第四代Canon甜心」Alice B.與花結緣，愛上吃花為主題的食物及飲花茶，穿上低胸衫的她，日前抽空品嘗一番，歎花茶時露出胸前蝴蝶紋身的她更笑說︰「我個蝴蝶都鍾意花茶，直頭被花吸引住，所以成日嚟飲花茶。」

最近擔任商場的「花饌美食大使」的Alice B.，點了一杯「紫羅蘭青檸梳打」和中國花茶，她表示最愛中國花茶，並表示有得玩又有飲︰「因為朵花放落水度自己打開，真係好得意，我成日忍唔住拎朵花玩吓。」

怕紋身多影響工作

問到會否再紋一個花朵圖案與蝴蝶紋身成為一對？她即笑說︰「太多喇！暫時唔會，因為依家要做嘢，有太多紋身唔係幾好，遲啲再算啦！如果隻蝴蝶寂寞，我咪再去飲花茶囉！」

Alice B.有意於沙灘搞花茶派對，約埋一班朋友飲花茶︰「希望可以同朋友去沙灘曬太陽時，都有杯花茶飲，所以如果有機會嘅話，想喺沙灘搞番個花茶派對。」她又自認是個家庭「煮」婦，現有意再學調製飲品︰「除咗花茶外，我鍾意飲雞尾酒，所以希望可以有時間去學，不過識個調酒的男友都唔錯，可以成日有得飲。」

文︰專案組　攝︰沈健程