啤梨開迷你騷安撫歌迷
歌手葉文輝（啤梨）將舉行一場《That's Love Barry Mini Live Show》，招待約二百名歌迷，當日正是他的生日，故會順道慶祝一番。原來啤梨早於兩年前已想開迷你音樂會，可惜太忙一再延遲，為平息歌迷不滿，他親自做搞手促成今次音樂會：「我兩年都冇搞過歌迷聚會，再唔搞，我怕佢哋會走晒。」
他透露屆時會請一大班圈中朋友出席，如曾傳緋聞的傅穎及霍啟剛前緋聞女友趙彤等，他說：「我會請佢哋，不過唔知佢哋得唔得閒。」問他可會請和他劃清界線的緋聞日模女友松岡李那？他冷淡地說：「唔會啦！我哋好耐冇聯絡，況且佢好忙。（係咪因佢曾拒愛而唔請佢？）唔關事，只係佢講日文，同我啲朋友都溝通唔到。」
啤梨表示與緋聞女友松岡李那很久沒聯絡。