葉山豪吸納同志粉絲
日籍男演員葉山豪（Hiro）有份主演的三級話題電影《3D肉蒲團之極樂寶鑑》票房大收旺場，令他一躍成為「千萬票房男星」，他笑說：「叨吓光囉！哈哈！」談到電影宣傳焦點落在雷凱欣、藍燕及周防雪子等女角身上，他坦言絕不介意：「梗係宣傳女角多啲啦，預咗，如果重點喺我身上，我怕其他人冇興趣。」
Hiro從未想過憑此片一炮而紅，反而寧願慢慢來：「愈快上位驚跌得愈快。」至於有否因而吸納多了粉絲，他說：「都有，除咗女粉絲外，仲多咗啲同志Fans，試過有男仔留言話『如果你係我男朋友就好。』（怕被定型？）唔擔心，我仲有好多角色想演。」
葉山豪透露愛妻仍未欣賞其「肉搏戲」。
電影宣傳焦點落在女角身上，葉山豪坦言不介意。 （資料圖片）