江若琳夢幻婚禮還原基本步

江若琳剛完成新片《結婚那件事》的拍攝，她坦言拍畢此片後，改變了她原本想擁有夢幻婚禮的想法，現在覺得一個簡單而隆重的婚禮便好。

早前飛到檳城與藝人阿牛拍攝新片《結婚那件事》的江若琳（Elanne），經過一個月與劇組相處，感情已變得如一家人，難怪煞科時她依依不捨，還嚷着不想返港。

拍畢煞科戲後，Elanne獲工作人員獻花，加上聽到阿牛的感性說話，令她哭了出來。收拾心情後的Elanne，興奮地自隊香檳，還與阿牛一同咬導演手臂，以示對導演的感謝。Elanne坦言從未如此不想收工，她說：「當導演同我講拍完晒所有戲份，可以收工嗰一刻，我真係好唔捨得。今次真係好多謝導演、阿牛、紅姐（惠英紅）同埋一班劇組人員，喺呢段時間對我嘅照顧，我真係好開心可以參演呢部戲，希望將來同大家再有機會合作。」

繁文縟節諗起怕怕

新片以結婚為題材，Elanne因此改變了對婚姻的睇法，她說：「以前一直想有一個夢幻式嘅婚禮，但拍完呢部戲，發覺結婚真係好煩，因為並唔係兩個人嘅事，而係兩家人嘅事，當中要煩嘅嘢真係好多，諗起都怕怕，所以如果可以嘅話，將來只要舉行一個簡單而隆重嘅婚禮就可以喇！」

文：影視組