李璨琛陳敏之一樓一劇鬥

主力拍電影的李璨琛（Sam）首次拍劇，即與相識十年的陳敏之合演情侶，Sam笑言是「遲來的春天」，飾演社工的他更努力拯救「妓女」敏之出火坑！

敏之與Sam在新劇《怒火街頭》中飾演情侶，相識十年才首度合作，Sam笑言是「遲來的春天」，並大讚敏之冇得頂：「佢又顧家又靚！我第一次拍劇全靠佢睇住我，佢做足『女朋友』本分，咁我都做番『男朋友』，不停請佢食嘢囉！」敏之亦大讚Sam表面搞笑，內裏認真：「啲人問我佢係咪好搞笑，其實唔算，反而做嘢時好投入！」互笠高帽後，他倆堅稱只是好友，絕對擦不出愛火花。

阿伯狂(目及)練EQ

兩人在《怒》劇中均有破格演出，相信會令大家刮目相看！敏之飾演為母還債的一樓一鳳，更有裸跑戲；Sam則挑戰富正義感但態度粗鄙的社工，希望救敏之出火坑。事前，專業的敏之相約夜總會「媽媽生」談天，了解她們的故事，又不怕危險孖實Sam到鳳樓見識！Sam說：「去到真係好有壓迫感！嗰啲地方咩人都有，戥佢哋危險！（點睇呢種職業？）只係喺社會上一個角色，有求自然有供！」至於敏之得悉她們的辛酸史後亦感觸良多：「有啲真係同我個角色一樣好有抱負！所以唔應該有歧視，佢哋冇傷害人。」鑑於角色需要，敏之需以性感打扮現身深水埗街頭拍攝，期間吸引不少阿伯由頭望到落腳，可謂EQ大考驗！她更因開工跌斷鎖骨而休養多時，付出這麼多，敏之直言只想新劇獲觀眾認同。

文：立影　攝：黃叔榮