Mr.燃點音樂狂熱

2010年及今年正值Mr.的多事之秋，有傳主音Alan因護花而打交，而結他手MJ又與前DJ女友卓韻芝分手，不過五子對音樂的熱誠毫無動搖。

近日推出新碟的樂隊Mr.回望過去一年，雖然在樂壇成績不俗，大熱歌曲《黑色狂迷》唱到街知巷聞，不過亦經歷了不少「難關」，例如主音Alan被指抄歌，又傳他因為保護女友人而打交，他說：「所有嘢都係成長過程，但我哋堅持做自己嘅音樂，用音樂發洩壓力！」不過他們亦認為去年有好事發生，例如低音結他手Dash的孖生弟弟與DJ朱薰結婚，Dash對此感到很高興，因為傳宗接代的工作已經交給弟弟：「佢好支持我哋，有佢我先可以專心工作！」

二度紅館開騷

另一方面，Alan表示在新碟中首次參與填詞：「好似直接講出心聲咁，好有感覺！」而Tom則負責用DV拍下成員的生活點滴，他說：「我自己剪埋，放喺碟入面，等大家可以睇到我哋嘅生活。」MJ則稱自己會與舊愛卓韻芝一樣，踏入文壇，嘗試做才子。

Mr.即將於7月開第二次的紅館個唱，喜獲可口可樂贊助的他們說：「我哋會幫佢哋拍廣告，擔任網上短片主角。」Alan更會在短片中飾演精神分裂的躁狂少年。