鄧穎芝茶記打雜炒牛河

早前鄧穎芝為電台節目《我要做得到》殺入茶餐廳，與主持彭詠儀（Morle）齊齊變身打雜，誓要證明80後「講得出、做得到」！她說：「打雜可能唔係80後首選嘅工作，好似好辛苦，但親身試過之後，我反而覺得幾好玩！」

當日，穿上5吋高踭鞋的鄧穎芝為DJ好友蒙為亮（阿O）及尹紫龍炮製乾炒牛河及西多士，雖然調味上略為失手，但反而獲好評：「落少咗鹽，但佢哋話夠健康，最唔合格應該係着錯鞋，有幾次差啲跣低，好危險。」她還自爆發生不少「蝦碌」事：「我哋冇學沖華田，所以我出奸計叫Morle去沖，我落單嗰陣明明寫凍華田，點知佢沖咗熱嘅，最後加啲冰落去就算，好彩過到骨！」

捧着製成品的鄧穎芝戰戰兢兢，擔心被藐。

鄧穎芝（右）親自炒牛河，雖然味道稍淡，但反而贏好評。