克勤為麵包擱置夢想

與樂壇校長譚詠麟（阿倫）亦師亦友的李克勤，竟敢拿對方開玩笑，戲言眼見阿倫為兒子努力奔波搵食，而他的兩個囝囝還年幼，故明白搵食比興趣重要！

忙於準備7月與香港小交響樂團合作演唱會的克勤，自爆為家中兩位「老闆」迫不得已犧牲興趣！原來他本計劃搞「棟篤唱」，甚至落訂Book好場地，但最終要忍痛撻訂，他說：「因為計唔掂條數，係蝕硬，公司寧願撻訂改去紅館開演唱會。」他承認「楝篤唱」是其心願：「未有人做過嘛！人一世物一世，好想試吓！引人開心，自己都開心。」

被經理人點醒

克勤坦言可自掏腰包圓心願，但經理人張國忠的一句話點醒了他：「佢覺得我啲仔咁細，都係做啲搵到食嘅，唔好咁快為興趣而做，你睇阿倫都仲係做緊咁多搵食嘅嘢。」故他決定暫時放低興趣，但深信終有一天可以圓夢。

10年前，克勤曾與香港管弦樂團合作搞演唱會，他笑說：「上次係作客，今次係主場，作客去人哋個更衣室，今次係自己地方。」他笑言上次屬受薪形式，歌酬很少，但今次則是正常身價。

此外，克勤透露是次演唱會的製作成本超貴，單是樂團已有逾80人，還有外援樂手，而排練地點也要特別預訂，歌曲樂譜也要重新編寫，他說：「音樂性較重，唔係以往嘅港式演唱會，冇咁多花巧，我都唔使操大隻，但一定會有驚喜畀大家！」