黃浩徐淑敏誤傳自殺

徐淑敏與老公黃浩前晚先後被傳自殺入院，昨日黃浩澄清入院只是做體檢，又稱太太被傳自殺或因她睡過其病床，解釋似乎有點牽強！

去年為黃浩誕下女兒心瑤的徐淑敏（Suki），最近再度懷孕，然而前晚先後驚傳他們自殺，令人震驚！雖然記者不斷致電他們，但二人僅以短訊回覆，Suki澄清「冇人自殺」；黃浩則解釋只是到養和醫院接受身體檢查，惟因在醫院不便覆電話。及至昨日，黃浩出院後接受本報電話訪問，解釋「事發」經過：「之前件事（指父親離世）我好唔開心，成日都瞓唔到，每晚都飲幾支酒先瞓得着！醫生唔主張我食安眠藥，就叫我做一個睡眠測試。（咁夜做身體檢查？）尋晚成家人食飯期間，收到醫院打嚟話有床，咁我咪即刻入醫院，咁啱Suki又冇嘢做，咪陪我一齊去囉！可能佢瞓過我張病床，所以傳埋佢自殺啦！」他又表示稍後會與老婆到外地散心，Suki亦沒有為此事而不快。

許冠文太太割盲腸

此外，養和醫院昨日相當熱鬧，早上十時許，許冠文拖着孫女出現探望入院割盲腸的老婆，約半小時後獨自離開，及至下午二時，坐輪椅的許太由友人陪同出院。而前港姐翁嘉穗則於下午現身，其後粵劇名伶白雪仙亦到達醫院。