Ana R.開中門

模特兒諸葛梓岐（Marie）與Ana R.昨日同場大鬥性感，雖然Marie以短裙仔騷長腿，但面對中門大開的Ana R.前後夾擊，可謂毫無還擊之力！

名模Ana R.前晚為全新保時捷911 Speedster預覽酒會主持新車揭幕儀式，身穿Halter Dress的她中門大開，露出誘人鎖骨與白滑玉背，性感程度力壓僅騷美腿的諸葛梓岐！事後Ana R.表示已做足安全措施：「我黐咗少少膠紙！」她透露雖有車牌，卻不敢在港駕駛：「我揸得好慢，係Sunday Driver，尤其係見到小巴同巴士咁大架，會覺得好危險。」

至於「峰頭」被蓋的諸葛梓岐，大方讚Ana R.着得靚：「條裙嘅顏色好Sharp，佢真係着得好靚，而且身材好好！」問到會否打扮得如此大膽，她說：「都會。（老公唔畀性感？）靚咪得囉！（唔怕畀人睇蝕？）媽咪唔鍾意我去到咁盡，唔應該咁性感。」言談間，對記者稱其男友薛嘉麟為「老公」十分受落。

捱病連累老公

帶病上陣的諸葛，自爆因經常飛來飛去而發燒，她透露稍後將赴台工作一個月，已叫老公前往探病，問到老公有否心痛？她說：「我覺得有機會就要試，佢就覺得我點解咁積極！（老公叫你唔好做？）我有理想，有自己想法，呢個係價值觀問題，佢見到我心痛之餘，亦怕畀我媽咪詐型。（怪佢照顧不周？）係，佢都好擔心我。」