阿佘黐實嘉穎膊翻撻

過氣緋聞情侶佘詩曼及鄭嘉穎昨日a齊齊剪綵，阿佘主動搭嘉穎膊示好，嘉穎亦偷(目及) 阿佘，看來「佘穎」翻撻在望！

佘詩曼與鄭嘉穎昨日與「喜運佳鐘錶集團」董事蔡加讚及蔡加怡，為愛彼錶圓方專門店開幕酒會任剪綵嘉賓。起初嘉穎在台上表現生疏，反之阿佘採取主動，笑笑口向嘉穎祝酒，拍照時又主動黐實嘉穎Sell手錶，令嘉穎不禁被熱情打動，與阿佘「偷偷看、偷偷望」。

明天踏入36歲的阿佘表示，目前在感情上仍處於等待階段，問到會否與嘉穎翻撻，她即搞Gag反問記者：「食唔食蛋撻！（如果嘉穎再追會點？）假設嘅問題無謂講！我同佢依家係朋友！」她表示並沒有八卦嘉穎是否單身：「我諗佢對我未必會講真話囉！哈哈！」對於早前被指做第三者搶有婦之夫，阿佘無奈地說：「胡鬧一場，冇咁好氣！我同呢對夫婦已經冇聯絡，因為大家都需要平復心情，雙方都有唔開心！」

撐「舊愛」冇做第三者

至於嘉穎異口同聲表示與阿佘仍是朋友，雖然工作上少見但仍保持聯絡，並為阿佘的人品「寫包單」：「我信阿佘由過去至現在都冇做人第三者！佢咁快出聲明澄清，真係處理得好好！（上次傳你同阿佘都冇出聲明？）今次同上次唔同，呢個係結婚同未結婚嘅分別！」