樂基兒得老公歡心唔使變靚

早年曾公開承認隆胸、後因負荷太大而「拆彈」的名模樂基兒，否認帶文詠珊與衞蘭赴韓整容，更指老公黎明喜歡她，沒有不滿意的地方要她「變靚」！

最近有指樂基兒（Gaile）率領老公黎明旗下藝人文詠珊（JM）及衞蘭去韓國整容，昨日Gaile為服裝品牌JUICY COUTURE新店任開幕嘉賓時以「Shock（震驚）」形容傳聞，她說：「唔係呀嘛！咁犀利！我唔知你哋想我點答，真係幾好笑！話我去整容已經好好笑，仲要帶埋咁多人去，驚冇人知？我個個星期都見到你哋，我知整容要時間Recover，根本冇可能！」她強調沒想過整容：「冇諗過，但唔抗拒，其他人有權做呢樣嘢，但我對自己好滿意！」

冇被投訴發福

Gaile笑言幸好報道不再指她大肚，記者笑問是否寧願被指大肚？她說大肚或整容新聞都不想要，至於若整容會整哪部位，她說：「冇嘢想整，咁耐以嚟都冇客人投訴，又冇客投訴我肥。（黎明有冇話唔滿意你邊度？）唔會，鍾意嗰個人就係鍾意佢。」她力撐JM與衞蘭沒有整容，亦不覺得她們有此念頭：「佢哋同以前一模一樣，可能夏天着得少啲，啲男人覺得女人靚咗啩！」