樂瞳死守荷包拒請食飯

樂瞳因在新劇演學生妹而成為「宅男女神」，她坦言工作量大增，但荷包進帳未夠多，雖然想相約劇組一同收睇大結局兼飯敍，但卻未想過請客！

樂瞳昨日為新劇《回到三國》試造型，在《點解阿Sir係阿Sir》中演反叛學生的她，在《回》劇則飾演愛玩電腦的宅女，助「大哥」馬國明穿梭古今。《點》劇將於今周大結局，問到會否相約拍檔食飯一同收看，她說：「都想約大家食飯，順便同朱敏瀚（飾莫澤基）慶祝生日。（邊個請？）唔知呀！AA制啦！（你呢期搵到喎！）係多咗嘢做，多啲收入，但仲想再多啲，慢慢嚟啦！」

馬國明捱到虧

同場的馬國明則化老妝示人，手部黐滿膠水，他表示身邊不少老前輩都感覺年輕：「我成日捱夜，仲虧過佢哋！」他還透露將拍攝新劇《On Call 36》（暫名），有指他與楊怡將帶領一班新人演出，記者笑他「升呢」，他即說：「唔係，係啲港男、巨聲幫啫！（青黃不接？）公司畀好多機會新一批，我都係等運到o架！」

至於在《點》劇中飾演「蔣進」的陳偉洪，昨日接受查小欣訪問時說：「好開心喺街度有人叫我個角色名。」他自爆在父親反對下入行，希望趁機自我增值。