睇中大隻Rapper Winkie Crystal爭仔
女子組合HotCha昨日出席活動時透露，日前在澳洲登台時有艷遇！成員Winkie手舞足蹈地說：「佢係Rapper，仲遞支咪叫我一齊Rap！」她激讚對方靚仔又大隻，問到有否趁機摸對方，她笑說：「我怕醜！」在旁的Crystal即自爆在慶功宴上問對方攞聯絡方法：「我先問佢係咪單身，之後就畀咗Facebook佢，但佢冇Add我。」Winkie即呷醋地說：「吓！仲快過我問？」Crystal解釋：「我幫你問咋！」
同場的鄭融則表示已帶老外男友見媽咪，問到媽咪是否較喜歡中國人？她說：「反而係我傳統，初初拍拖想揀同一文化。（以前嘅男友太Hurt，所以唔搵中國人？）唔係。」而將於年底舉行演唱會的關心妍，坦言不擔心銷情：「希望喺紅館開兩、三場，當對歌迷一個交代！」
眼見Winkie（左）與Crystal（中）爭仔，Regen在旁笑爆嘴！
與老外蜜運中的鄭融，舉手投足格外風騷！