六嬸密會IFPI巨頭成粒鐘
版稅問題最近陷入膠着狀態，四大唱片公司與無綫一直就新訂價錢拉鋸中，有指無綫老闆娘方逸華（六嬸）企硬，「四大」如要無綫這個平台宣傳便要讓步減價。跟「四大」對立的IFPI有見及此，旗下一班唱片公司高層包括吳雨與陳志光等即出招，拉攏無綫圖鞏固地位！日前，一班「巨頭」被發現於酒店茶敍，鮮有應酬的六嬸亦畀面到場，陪伴在側有陳志雲與李寶安。經一小時的傾談，六嬸離開時翹實志雲密斟，看來他重奪「六嬸契仔」之位，反而曾受重用的李寶安只是落寞尾隨。問到吳雨為何跟六嬸「密會」？他大感愕然說：「間中都有聚會，但都係成年之前嘅事！（傾合作？）唔係，只傾樂壇未來路向，六嬸有叫我好好培育新人。（叫你返去做製作部總監？）嘩！呢啲點會喺大庭廣眾講！」
六嬸罕有地與IFPI巨頭密會，進一步鞏固雙方合作關係。
六嬸邊翹邊與志雲密斟，冷落身後的李寶安（左）。