克勤恨回歸無綫自薦破冰

四大唱片公司與無綫交惡已久，當年首個被「叮」的李克勤昨日宣傳時坦言恨回歸，想做破冰的「先驅者」，等幾耐都唔拘！

李克勤將於7月17至21日在紅館舉行五場《李克勤．香港小交響樂團演奏廳2011》，昨日舉行記者會。提到克勤與無綫新老闆陳國強相熟，故有傳他將會成為與無綫破冰簽約的首個四大歌手，他說：「簽？簽咩呀？你問番Duncan（環球高層黃劍濤）。」當年克勤是第一個被無綫「叮走」的四大歌手，問到是否想回歸？他即二話不說：「最好搵我啦！邊度跌低就邊度企番起身！我唔介意第一個簽，不過我有練開氣功，希望長命啲，我個3歲仔升中學時可以搞掂啦！」

四大旗下歌手缺少了無綫這個宣傳平台，問到克勤會否怕影響個唱銷情，他說：「未知，因為95年嗰次唔賣得，睇吓今次賣唔賣得晒！（賣晒就唔簽無綫？）冇人知，好難估計，可能會去《東張西望》賣廣告。（贊助節目？）『小喇叭勁歌金曲』呀？（有傳環球同無綫合作開公司？）唔信！『環綫』唱片公司呀？係就柳暗花明又一村，但我未收到風囉！」

邀請志雲睇騷

不過，克勤表示會邀請無綫高層陳志雲欣賞其紅館個唱，亦會請其他電視台到場，但只會低調處理。

記者會上，克勤獲再合作的音樂指揮家葉詠詩送贈大號及小號給其兩名囝囝Ryan及Rex，他踢爆Ryan識唱其歌：「三歲已經『為非作歹』（歌詞）。」