拒再接受Amigo追求 中巴：一世都唔會
曾涉嫌被崔建邦（Amigo）毆打的模特兒鄺敏慧（中巴），昨日接受本報電話訪問，對於崔建邦和唐詩詠翻撻，即大感愕然說：「吓？真係估唔到喎！咁都得？惟有祝佢哋幸福快樂！愛情有時真係令人盲目，會令人睇唔清楚。（如果崔建邦再追你會唔會接受？）哈哈！我諗一世都唔使旨意，一定唔會，留番畀佢哋啦！不過，我都好多謝崔生曾經畀我開心快樂嘅日子之餘，仲要多謝佢令我日後要小心揀男朋友。點都好，我當然會祝福佢哋，有情人終成眷屬！」
另一邊廂，呂晶晶早前被指與唐詩詠共侍奀星黃嘉樂，昨日得悉詩詠與舊愛崔建邦愛火重燃感愕然，她接受電話訪問時表示與詩詠曾就早前的緋聞欲相約飯敍，無奈對方一直在忙，晶晶說：「我識嘅詩詠對感情事好執着，見佢不停幫形象負面嘅崔生講嘢就知啦！咁我都想佢搵到個錫佢嘅男仔。（崔生有打女友前科，擔唔擔心？）詩詠咁大個女會識諗嘅！」
中巴對於崔建邦翻撻唐詩詠感到愕然。（資料圖片）
呂晶晶大爆唐詩詠對感情事十分執着。