高海寧「凸」咪搶鏡
高海寧昨日穿上低胸Tube Dress，出席《變身男女Chok Chok Chok》招募活動，突出胸前事業線，力壓同場的呂慧儀、葉翠翠等，搶盡「峰」頭！高海寧否認性感搶鏡：「都唔係好性感啫！夏天衫好多都係咁！（性感撐錢國偉重返無綫？）見記者着靚啲啫！（你身材好難扮男人？）着鬆身衫扮肥仔都呃到人！（想做男人？）做男仔可以擘大腳坐，Free好多！希望公司畀機會我反串。」
另外，王友良男扮女裝被呂慧儀胸襲，他說：「我冇易服癖！係錢國偉搵我，覺得幾好玩咪試吓！」而監製錢國偉說：「我出面仲有嘢做，所以同TVB係合約形式，傾緊開新一輯《美女廚房》！（陳志雲搵你返無綫？）陳生同曾醒明都有搵我。（搵崔建邦合作？）佢同曾志偉有電影嘢傾緊。」
高海寧騷胸撼贏其他女藝人，搶盡風頭。
反串的王友良（左二）被呂慧儀及賈曉晨等胸襲。