娜姐無懼雷暴出海賀26歲牛一
周秀娜（娜姐）昨日無懼暴雨及雷暴警告，與男友Avis及大班好友如師妹Annie G.及Hidy（余曉彤）出海，開船P慶祝26歲生日。一行人於早上9時在西貢碼頭集合，娜姐與Avis戴上情侶太陽眼鏡，乘機晒恩愛！可惜因天氣惡劣，眾人未有落水玩，只留在船上傾偈、玩紙牌遊戲及打麻雀。
望日日有工開
壽星女娜姐心情靚爆，穿上比堅尼大晒「事業線」，而Avis亦使出3招，包括粉紅色Chanel手袋、手袋造型蛋糕及Birthday Kiss氹女友開心，惟娜姐因下雨而影響心情︰「難得放假加上自己生日，我都擔心安全冇落水，不過好耐冇試過成班朋友出嚟玩，所以好開心！（生日願望？）梗係日日有工開，同埋過得開心啦！（想快啲結婚？）唔係呀！未有打算喎！」