阿諾嗒勻情婦一家阿婆照摸

前幾日才被揭發過去在節目及派對上對女士毛手毛腳的阿諾，前日又遭踢爆不僅對情婦Mildred「動手」，更對Mildred的48歲妹妹Miriam及76歲的母親Evelyn「落手」，據知情人士指，三人均於阿諾家中當女傭：「佢好鍾意喺佢哋做家務時摸佢哋屁股，Mildred同我講阿諾成日同佢哋調情，就算佢阿媽已經76歲，但係阿諾都照摸！」

與卡恩衰埋一堆

而與Miriam接觸過的知情人士說：「佢哋成家人對呢件事都好難過，因為佢哋同阿諾老婆瑪莉亞施賴弗好熟。」並指Miriam不知Mildred的兒子是阿諾的私生子！面對接二連三爆出的醜聞及每月高達14萬美元（約110萬港元）的贍養費，阿諾的朋友指他承受極大壓力，擔心其健康。

《紐約日報》將阿諾與涉嫌性侵犯的國際貨幣基金會前總裁卡恩相提並論，阿諾亦被揭發於去年4月及5月花了合共6.5萬美元（約50萬7千港元）為Mildred繳付樓宇首期作禮物，而Mildred的鄰居受訪時指，阿諾的私生子與Mildred其他三名子女的樣貌有不同，又指他是校內的風頭躉。

至於忙於辦離婚的瑪莉亞，前日在Twitter留言賀女兒嘉芙蓮獲表揚。而阿諾的同行包括荷爾芭莉、珍美李寇蒂斯及艾美羅森等都不肯就醜聞作出回應。另外，阿諾原定本周末到新加坡出席環球片場開幕禮，但以處理私務為由突然甩底。