否認新劇歧視智障 阿佘攬林峯代沙冧

林峯在新劇的對白被指涉嫌歧視智障人士，佘詩曼昨日力撐拍檔，除了大讚阿峯因拍得投入才可能有所失誤外，亦樂意代他致歉！

佘詩曼、林峯及梁靖琪（Toby）等到將軍澳宣傳新劇《花花世界花家姐》，期間他們跳舞及玩平衡木搞氣氛，阿佘與Toby更戴上后冠扮公主。對於阿峯的對白涉有歧視智障人士之嫌，阿佘即力撐：「拍攝時大家都好投入，冇注意呢啲嘢，如果有任何得失，真係非常抱歉！」對於被批評因外形亮麗而不似智障人士，阿佘笑言「唔識答」：「每個人個樣都唔同，做資料搜集嗰陣都遇過精靈可愛嘅智障小朋友，所以唔可以相提並論！」談到有指其經理人因態度欠佳而遭投訴，阿佘說：「我覺得中間應該有啲誤會，會想辦法處理！（擔心影響工作？）大家合作咗十年，都幾愉快。（你係咪企佢嗰邊？）當然！但我哋會接受意見同改善。」

唔吼億元彩金

此外，阿佘透露與新片拍檔方力申及葉念琛等以夾份買億元六合彩，可惜最後得個吉。至於對賭博零興趣的阿峯，直言對一億元彩金不為所動，隨即被取笑身家豐厚，他說：「唔係！我只係得啲零頭！」