陳豪總動員護愛 錫晒陳茵媺

陳豪公開認衰因太高調追陳茵媺，令大家為他心急，為免好事多磨，揚言日後盡量低調，在成功追到美人歸前，拜託記者代為保護，Sweet到暈！

文：影視組

陳豪昨日出席JAGUAR by LALIQUE香水活動時，大談生平第一次送給女仔的禮物是香水，但至今仍未送過給緋聞女友陳茵媺，問到早前被傳和陳茵媺秘婚？他哈哈大笑說：「好笑呀！我自己都唔知，得啖笑！（未到呢步？）邊有咁快呀！」隨即公開認衰指自己太過高調惹禍：「係我做衰咗！太高調話努力追求，搞到大家都心急過我，做晒我父母咁！（佢父母嚟咗香港？）未！」

「依家努力中」

為保護戀情，陳豪揚言日後要低調行事：「畀番啲空間機會大啲！（加強攻勢？）就算有都唔同你哋講，一陣乜都『叉喎晒』！總之依家努力中，我努力唔畀你哋知，努力避開你哋！（已經拍緊拖？）未，有聯絡，但仲未約食飯，我又忙要飛嚟飛去！」記者笑言再不快手出擊，陳茵媺便會被人追走，他即不避嫌地公開拜託大家幫他保護愛人：「你哋幫我保護住佢啦！（係咪追硬對方？）唔講嘞！再講下次冇嘢講！」如此甜蜜，未知陳茵媺「收到」後會否冧到暈？