Carol睇佢唔到Jeana寸爆「要驗眼」

除了趙碩之拍劇扮阿姐遭杯葛外，「嫩版范冰冰」何佩瑜（Jeana）與「浸大E神」楊梓瑤（Carol）亦爆罵戰。事緣二人前日出席電影活動時，打扮密實的Carol不甘被Jeana搶「峰」頭，因而寸爆露四吋「事業線」的Jeana不分莊閒。向來寸嘴的Jeana昨日即還擊：「真係好多謝佢教我分莊閒，但依稀記得佢未皮膚敏感前都好似唔識分喎！唔知佢睇皮膚科醫生嗰陣，會唔會驗埋隻眼！」談到被Carol當透明，Jeana再趁機寸對方矮：「我嗰日有同莊思敏打招呼，可能大家Eye Level（視線）差不多，佢同我哋有差別，所以睇我唔到啦！」

對於Jeana絕地反擊，Carol昨日接受電話訪問時說：「我從來冇特別開名，我話要分莊閒係因為我哋唔係主角，唔可以太出風頭，一切都係誤會！而我當時因為早到做埋訪問，所以真係見佢唔到！」此外，Jeana與同門余曉彤（Hidy）到塞班島拍攝寫真集，花絮昨日曝光，只見完成拍攝的二人，到市集Shopping及開懷大吃！