陳柏宇無懼Phil爬頭

歌手陳柏宇（Jason）與師弟林奕匡（Phil）最近合唱新歌，Jason大讚Phil在台上充滿感染力，還踢爆他雙眼會放電。Jason不擔心惹起爭寵傳聞，他相信公司懂得分配資源。

陳柏宇最近與同門師弟林奕匡合唱新歌《無限》，雖然他們的音樂風格不同，但卻出奇地合拍，Jason大讚Phil是位多才多藝的歌手，而且在台上充滿感染力，有指Phil的風格與方大同相似，Jason說：「佢兩個鍾意同類型音樂，唔多唔少有啲似，唔出奇，但細聽之下，係會有分別，而且佢哋唱Live好唔同。」身為師兄的Jason表示，私下亦經常與Phil閒談：「我唔擔心佢喺台上表演，因為佢唱得好放，而且雙眼又細，好似識電人。」

唔怕受威脅

所謂一山不能藏二虎，問到會否擔心被師弟趕上？Jason淡定地說：「我又唔怕威脅，而且公司一定識得人力資源分配。」他透露下月會推出首張新曲加精選，作為入行幾年的小總結。

至於Phil則感激師兄讚賞：「佢份人好真，而且好Fun。（爭寵？）大家路線唔同，根本冇乜嘢好爭。」入行不足一年的Phil表示，現時接受傳媒訪問時，信心較以往增強：「啲同事都話我有進步，之前我唔識表達，又怕講錯嘢，依家好咗好多。」