Phoebe寫真送內衣冧宅男

葛民輝Icon Girl許穎（Phoebe）早前處女下海設計潮Tee，因反應理想，她揚言有意再推出自家設計，其中包括性感內衣及泳衣，送給購買今年寫真集的宅男粉絲！

將推出寫真集的模許穎，早前踩入服裝設計行列，推出多款自家製T恤過足設計師癮，修讀設計的她坦言起初有點緊張，擔心銷情，不過潮Tee得到宅男粉絲的支持，反應理想，令處女設計潮Tee的她開心到爆︰「好多謝支持嘅人，雖然返學都要設計T恤交功課，但拎去賣始終係第一次，真係好擔心冇人買，搞到幾晚瞓唔着，依家見到反應咁好，鬆咗一口氣。」她又計劃再出自家設計產品乘勢搵銀︰「我希望食住個勢再設計，不過會試啲新嘢，唔單止設計衫，仲會有其他潮流嘢。」

希望吸納女粉絲

繼設計潮Tee後，Phoebe有意設計性感泳衣及內衣，一來可以自己做代言人大騷34D身材，更希望可以吸納女粉絲︰「之前有同公司傾過再設計啲嘢出嚟賣，內衣同泳衣都可以考慮吓，仲可以搵埋自己代言添！希望女仔會捧場，因為我比較少啲女Fans。」

此外，Phoebe打算在每本寫真集隨書附送的泳衣及內衣款式均不同，她說︰「如果可以嘅話，寫真加送我設計嘅內衣同泳衣都幾好，唔知會唔會有更多人買呢？」

問到會否是惹火的設計？她笑言會設計自己的Size，期望寫真集跟自家設計潮Tee一樣反應理想。

文、攝︰專案組