Mr.反擊網民雞蛋挑骨頭

樂隊Mr.近年不停惹來抄歌醜聞，主音Alan承認曾為報道不開心，幸獲隊友及公司支持，他直指部分網民最愛雞蛋裏挑骨頭，還不滿地說：「唔通我寫愛情歌又係抄咩？」

樂隊Mr.將於七月三及四日再度踏足紅館舞台舉行兩場演唱會，出道短短日子的五子感激一直支持他的歌迷及前輩，成員Dash說：「校長（譚詠麟）同Eason（陳奕迅）一直好幫我哋，呢個係我哋嘅福氣，不過我哋都捱咗好多年，每次表演都好感恩。」五子承認曾為編曲鬧意見，幸好每次都是對事不對人。

近年不時遭網民踢爆抄歌的Alan說：「初初都會唔開心，不過愈來愈覺得佢哋係雞蛋裏挑骨頭，唔通我寫愛情歌又係抄咩？」他強調為免影響情緒，近月已罷上有關討論區，身為隊長的Dash說：「香港有言論自由，不過每次派歌都有呢啲事發生。（惡意挑剔？）阻止唔到，亦都唔需要有太多顧忌。」

Tom避談與Evelyn分手

日前有讀者爆料指Tom難忍拍拖多年的模女友蔡穎恩（Evelyn）公主病提出分手，問到Tom是否回復單身？他避忌說：「都係咁囉！同佢（Evelyn）一直都係Friend底。（咁係咪單身？）傷身先啱，因為近年唔係好夠瞓。」

去年與前DJ卓韻芝分手的成員MJ，早前被本報拍得與形象指導行街Shopping，他先否認與對方拍拖，接着又說：「有時都想展開新感情，奈何太多工作，搞到冇時間開始。」