佘詩曼拒原地踏步逃「辛」外闖

自與無綫轉簽部頭合約後,佘詩曼可謂回復自由身,不再受合約所限,早前首度亮相ontv的《娛樂on Show》,接受主持人俞詠文專訪。阿佘暢所欲言,不諱言拍劇辛苦:「辛苦就梗啦!唔係入行嗰時咁話:『好舒服又搵好多錢,仲係人都識你o架!你入嚟做啦!』事實上體力消耗得幾緊要,但收穫都唔少。」她坦言年前已萌去意,但傾約過程融洽和諧:「諗咗年幾,開始覺得原地踏步咁,我覺得我嘅人生可以再豐盛,加多啲顏色。」

踏出溫室,阿佘承認要充滿勇氣及幾經掙扎,對於離巢前後的感覺,她說:「唔覺有分別,會繼續拍劇畀大家睇,希望喺外面有一番新景象。」小生林保怡、陳鍵鋒及馬德鐘逐一離巢,問到是否一同「搞革命」?阿佘說:「其他人啲嘢唔知,聽過保怡離巢,但唔知馬德鐘同陳鍵鋒都係。」

阿佘表示年前已萌去意,久經掙扎才下離巢決定。

佘詩曼(左)接受《娛樂on Show》主持人俞詠文專訪,暢談離巢原因。